Zer da CEDID
Desgaitasunari buruzko Espainiako Dokumentazio Zentroa (gaztelaniazko siglak, CEDID) Desgaitasunari buruzko Errege Patronatuak erakunde publiko eta pribatuei, profesionalei eta/edo desgaitasunaren alorrean interesa duen orori eskaintzen dion zerbitzu bat da. Espainian zein nazioartean sortzen den zientzia-literatura garrantzitsuena biltzen eta katalogatzen du, baita nazioarteko organismoek, administrazio publikoek eta Hirugarren Sektoreko erakundeek desgaitasunaren alorrean argitaratzen dituzten dokumentuak ere.
https://www.cedd.net/redisDesgaitasunaren eta gizarte politikaren inguruko era guztietako gaiez diharduten argitalpen nagusiek, nazionalek zein atzerritarrek, osatzen dute dokumentu-funtsa.
CEDID zentroak honako zerbitzu hauek eskaintzen ditu:
- Liburutegia, jendeari irekia (Ordutegia: astelehentik ostiraletan, 9:30etatik 13:30era).
- Mailegu zerbitzua: liburuak, aldizkariak eta ikus-entzunezko materiala.
- Bertako datu-baseak kontsultatzeko aukera: gizarte politikari eta desgaitasunari buruzko liburuen eta legeen inguruko datu baseak.
- Nazioko eta nazioarteko beste datu batzuk kontsultatzeko aukera.
- Gizarte baliabideei buruzko informazioa eta aholkua.
- Desgaitasunaren Iberoamerikako Biltegiaren (RIBERDIS) kudeaketa eta garapena.
- Desgaitasunaren Espainiako Aldizkariren edizioa eta Koordinazioa.
- Desgaitasunari buruzko Errege Patronatuaren buletin digitalaren edizioa.
- Desgaitasunari buruzko Errege Patronatuaren argitalpen ofizialen edizioa eta banaketa.
1980. urtetik aurrera, Eguía Careaga Fundazioak (SIIS, Dokumentazio eta Ikerketa Zentroa) kudeatu du CEDID erakundea, lankidetza-itun baten bitartez.
Partekatu hemen